"Bir bo'lsak-yagona xalqmiz, birlashsak-Vatanmiz!"

2024-yilning 4-sentabr kuni Peshku tumani 1-son kasb-hunar maktabida O'zbekiston Respublikasi mustaqilligining 33 yilligi munosabati bilan "Bir bo'lsak-yagona xalqmiz, birlashsak-Vatanmiz!" shiori ostida mustaqillik darslari tashkil etildi. Ushbu tadbir, milliy mustaqillik bayramining yurtimiz hayotidagi ahamiyatini yana bir bor chuqur anglash, yosh avlodga vatanparvarlik ruhini singdirish hamda ularni mustaqil fikrlashga o'rgatish maqsadida o'tkazildi. Darslar davomida o'quvchilar O'zbekistonning so'nggi 33 yillik mustaqillik davrida erishilgan yutuqlar, davlatimizning siyosiy, iqtisodiy va ijtimoiy sohalarda amalga oshirgan islohotlari hamda xalqimizning tinch va farovon hayoti haqida kengroq ma'lumot oldilar. O'quvchilar o'zlari uchun yurt tinchligi va birligining ahamiyatini anglash, milliy qadriyatlarni hurmat qilish va ularni asrab-avaylashning muhimligini his etdilar. Darslarda shuningdek, O'zbekistonning ko'p millatli xalqi o'rtasida do'stlik va totuvlikni mustahkamlashga qaratilgan davlat siyosatining muhimligi ta'kidlandi. Peshku tumani 1-son kasb-hunar maktabida o'tkazilgan ushbu mustaqillik darslari, yoshlarga Vatan tuyg'usi va milliy g'urur hissini yanada mustahkamlashga, ularga tinchlik, birdamlik va farovonlikning qadriga yetishni o'rgatishga xizmat qildi. "Bir bo'lsak-yagona xalqmiz, birlashsak-Vatanmiz!" shiori ostida o'tkazilgan ushbu darslar, maktab o'quvchilarining qalbida Vatanparvarlik ruhini uyg'otish va yurt ravnaqi yo'lida o'z hissalarini qo'shishga undadi.